குவைத்தில் இந்தியர் அதிகமாக வசிக்கும் பகுதி Abbasiya ஆகும்.இங்கு இந்தியர் ஒருவர் அவர் தங்கியுள்ள குடியிருப்பில் தூக்கிட்டு தற்கொலை செய்துள்ளார் என்ற துயரமான செய்தி வெளியாகியுள்ளது.
அவர் பெயர் அஜயன்(வயது-36) கேரளா மாநிலம் கருணாகப்பள்ளி பாயுபா, ஜெயவனம் பகுதியை சேர்ந்தவர் என்பது தெரியவந்துள்ளது. இவருடைய தந்தை பெயர் ரவீந்திரன்.இவருக்கு திருமணமாகி நிஷா என்ற மனைவி உள்ளது.முதல்கட்ட தகவல்படி குடும்ப பிரச்சினை காரணமாக அவர் இந்த சோகமான முடிவை எடுத்துள்ளார் என்று செய்திகள் தெரிவிக்கிறது.
இவர் கடந்த சில வருடங்களாக குவைத்தில் உள்ள York என்கிற தனியார் நிறுவனத்தில் வேலை செய்துவந்தார் என்பது குறிப்பிடத்தக்கது.தகவல் கிடைத்தது விரைந்து வந்த போலீசார் அவருடைய உடலை மீட்டு பிரேத பரிசோதனைக்காக அனுப்பி வைத்தனர்.
தினமும் வேலை செல்லும் அஜயன் வேலை செல்லாததால் சந்தேகமடைந்த அவருடைய நண்பர்கள் நடத்திய தேடலில் அவர் தன்னுடைய அறையில் தூக்கிட்டு தற்கொலை செய்துள்ளது தெரியவந்துள்ளது
நேற்று முன்தினம் தமிழகம் தஞ்சாவூரை சேர்ந்த விஜயகுமார் என்கிற நபர் குடும்ப பிரச்சினை காரணமாக தற்கொலை செய்த துயரமான செய்தி வெளியான நிலையில் இன்று மேலும் மற்றொரு தற்கொலை செய்தி வெளியாகியுள்ளது குறிப்பிடத்தக்கது.
Reporting by Kuwait tamil pasanga team.
