குவைத்தில் அதிகாலை விபத்து பணிப்பெண் குழந்தை உட்பட 3 பேர் பலி,மேலும் 3 பேர் படுகாயம்:
நவம்பர்-11,2020
குவைத்தில் இன்று புதன்கிழமை விடியற்காலையில் நான்காவது ரிங் சாலையில் இரண்டு வாகனங்கள் பயங்கரமாக மோதியதில் கோரவிபத்தில் பச்சிளம் குழந்தை, வீட்டுப் பணிப்பெண் உட்பட 3 பேர் சம்பவ இடத்திலேயே உயிரிழந்தனர்.மேலும் 3 பேர் மீட்கப்பட்டனர், இதில் 2 பேர் நிலை கவலைக்கிடமாக உள்ளது என்று மீட்பு நடவடிக்கையில் ஈடுபட்ட அதிகாரிகள் தெரிவித்துள்ளனர்.
இந்த விபத்து Fourth Ring Road சாலையில் Jaber Al-Ahmad பகுதிகளில் Jahra நோக்கிச் செல்லும் பாதையில் நடந்ததாக தெரிகிறது. இந்த விபத்து குறித்து தீயணைப்பு துறைக்கு தகவல் கிடைத்த நிலையில் சம்பவம் நடந்த இடத்திற்கு விரைந்து வந்து மீட்பு நடவடிக்கையில் ஈடுபட்டனர்.
இறந்தவர்கள் மற்றும் கவலைக்கிடமாக உள்ள நபர்கள் எந்தெந்த நாட்டவர்கள் என்பது குறித்து கூடுதல் தகவல்கள் எதுவும் செய்தியில் தெரிவிக்கப்படவில்லை.
