நண்பர்கள் அதிர்ச்சி;சிலமணி நேரத்திற்கும் முன்பு உடன்இருந்த நண்பர் தற்போது இல்லை:
(தற்கொலை செய்த விஷ்ணு-27)
Dec-8,2020
வளைகுடா நாடுகளில் ஒன்றான பஹ்ரைனில் சல்மாபாத் பகுதியில் உள்ள இந்தியர்கள் கடும் அதிர்ச்சியில் உள்ளனர். தங்களுடைய அன்பான நண்பரின் எதிர்பாராத மறைவே இதற்கு காரணம். இந்திய் கேரளா திருச்சூர் நகரைச் சேர்ந்தவர் விஷ்ணு(வயது-27),நேற்று அவரது குடியிருப்பில் தூக்கில் தொங்கிய நிலையில் காணப்பட்டார்.
அவருடன் தங்கியிருந்த பினு, வளைகுடா டெய்லி நியூஸிடம் கூறுகையில், விஷ்ணு தினசரி காலையில் நடைபயிற்சி செல்வது வழக்கம், நேற்றையதினமும் வழக்கம்போல் சென்று வந்தார், அவருடன் சேர்ந்தே உட்கார்ந்து சாப்பிட்டதாகவும், ஆனால் அசாதாரணமானது எதுவும் அவனிடம் தெரியவில்லை என்றும் கூறினார்.
மரண செய்தி கேட்டு அதிர்ச்சியடைந்தார் எனவும் தன்னால் இது ஒருபோதும் நம்ப முடியவில்லை என்று அவர் கண்கலங்கினார். மேலும் அவர் கூறுகையில் அலுவலகத்திற்கு வந்து 10 நிமிடங்களில் என்ன நடந்தது என்று எனக்குத் தெரியாது. காரில் இருந்து எதையோ எடுக்கப்போவதாகக் கூறி அலுவலகத்தை விட்டு விஷ்ணு வெளியேறினார்.
தொடர்ந்து வினு கூறும்போது காலை வேலைக்கு வந்த விஷ்ணு 9.30 மணிக்கு அலுவலகத்தை விட்டு புறப்பட்டதாக உடன் வேலை செய்யும் நண்பர்கள் தெரிவித்தனர். வெளியே சென்ற விஷ்ணுவை காணாமல் காலை 10 மணியளவில் தன்னுடைய நண்பரின் தொலைபேசியில் இருந்து அவரை தொடர்பு கொண்டார். அப்போது விஷ்ணு அவர்களுக்கு விடைபெறுகிறேன்(Goodbye) என்று ஒரு செய்தியை அனுப்பியதாக கூறினார்.
இயற்கைக்கு மாறானதாக நண்பர் அனுப்பிய செய்தியில் சந்தேகம் அடைந்து நண்பர்கள் குடியிருப்புக்கு விரைந்தனர். அவர்கள் கதவை உடைத்து உள்ளே நுழைந்தபோது விஷ்ணு தூக்கில் தொங்கிய நிலையில் காணப்பட்டார். அவர்கள் அனைவரும் தங்கி வேலைக்குச் சென்று கொண்டிருந்த குடியிருப்பின் அறையில் இந்த சம்பவம் நடந்துள்ளது. இவர் தற்கொலைக்கான காரணம் நண்பர்களுக்கு புரியாத புதிராகவே இருக்கிறது.
விஷ்ணு அங்கு சுமார் ஆறு ஆண்டுகள் வேலை செய்து வருகிறார். உடல் சல்மேனியா மருத்துவ சவக்கிடங்கிற்கு மாற்றப்பட்டது. சட்ட நடவடிக்கைகள் முடித்து உடல் புதன்கிழமை வீட்டிற்கு அனுப்பப்படும் என்று நண்பர்கள் மற்றும் நிறுவன அதிகாரிகள் தெரிவித்துள்ளனர்.
