(பரிசு பெற்ற அப்துல் சலாம்)
அபுதாபில் இரண்டு கோடி திர்ஹாம்கள் அதிர்ஷ்ட வெற்றியாளர் (சுமார் 40 கோடி இந்திய ரூபாய்) இறுதியாக கிடைத்துவிட்டார்.நேற்று ஞாயிற்றுக்கிழமை நடைபெற்ற பிக் டிக்கெட் டிராவில் வெற்றிபெற்றவர்,கோழிக்கோட்டைச் சேர்ந்த அப்துல் சலாம்(வயது-28),ஓமானின் தலைநகரான மஸ்கட்டில் ஒரு ஷாப்பிங் சென்டரை நடத்தி வருகிறது.பிக்-டிக்கெட்டை வாங்கியபோது ஓமானில் தான் பயன்படுத்தும் எண்ணுடன் தெரியாமல் இந்திய தொலைபேசி குறியீடு (+91) வழங்கியுள்ளார்.
நேற்று ஞாயிற்றுக்கிழமை லாட்டரியில் அவர் முதல் பரிசை வென்றபோது, பிக் டிக்கெட் அமைப்பாளர்கள் அவரை தொடர்பு கொள்ள முயன்றனர். அப்போது இரண்டு எண்களில் ஒன்றை அழைத்தபோது, அழைப்பை இணைக்க முடியாது என்று மலையாளத்தில் செய்தி வந்தது.இதன் மூலம் வெற்றியாளர் கேரளாவில் இருக்கிறார் என்ற எண்ணம் அவர்களுக்கு இருந்தது. பிக்-டிக்கெட் நிர்வாகிகள் அப்துல் சலாம் பெற்ற ரூ.40 கோடி பரிசு தொடர்பான செய்தியை தெரிவிக்க பொதுமக்களின் உதவியை நாடினார்கள்.
இதையடுத்து லாட்டரி வென்றதாக நண்பர் ஒருவர் அப்துல் சலாமுக்கு தகவல் கொடுத்தார். ஆனால் ஓமன் தொலைபேசி எண்ணுடன் இந்திய தொலைபேசி குறியீட்டு எண்ணை இணைத்து வழங்கப்பட்டது என்பது அவருக்கு நினைவில் இல்லை. ஆறு ஆண்டுகளாக மஸ்கட்டில் வசித்து வரும் அப்துல் சலாம்,323601 என்ற எண்ணில் டிக்கெட்டை 2020 டிசம்பர் 29 அன்று ஆன்லைனில் வாங்கினார். அப்துல் சலாம் பிக்-டிக்கெடை எடுப்பது இது நான்காவதோ அல்லது ஐந்தாவதோ முறை எனவும், பரிசுத் தொகையை நண்பர்களுடன் பகிர்ந்து கொள்வேன் என்றார்.
குடும்பத்தினருடன் மஸ்கட்டில் தங்கியிருந்த அவர் கோவிட் பீதி காரணமாக தனது கர்ப்பிணி மனைவியை ஊருக்கு அனுப்பினார், இந்நிலையில் மூன்று மாதங்களுக்கு முன்பு தனது மனைவி இரண்டாவது குழந்தையைப் பெற்றெடுத்தார் எனவும்,இத்துடன் இரட்டிப்பான மகிழ்ச்சியாக பிக் டிக்கெட்டின் வெற்றி தன்னை தேடிவந்துள்ளது என்றார். மேலும் குடும்பம் விரைவில் திரும்பும் எனவும்,நிதி ரீதியாக பின்தங்கியவர்களுக்கு உதவவும் சமூக திருமணங்களை ஏற்பாடு செய்வதில் ஆர்வம் உள்ளதாகவும் மகிழ்ச்சியுடன் கூறினார்.
INDIAN WON | DH20 MILLION | BIG TICKET
