குவைத்தில் 5 வகையான விசா உள்ள நபர்களுக்கு, 24 மணிநேரத்தில் சிவில் ஐடி கார்டுகள் வழங்க PACI தயாராகி வருகிறது; நடவடிக்கை இறுதிக்கட்டத்தில் எனவும் சம்பந்தப்பட்ட ஆணையத்தை மேற்கொள் காட்டி செய்தி வெளியாகியுள்ளது
Image credit: PACI
குவைத்தில் 5 வகையான விசா உள்ள நபர்களுக்கு, 24 மணிநேரத்தில் சிவில் ஐடி கார்டுகள் வழங்க PACI தயாராகி வருகிறது
குவைத்தில் வசிக்கின்ற தொழிலாளர்கள் மற்றும் குடிமக்கள் அனைவருக்கும் அடையாள அட்டை எனப்படும் சிவில் ஐடி கார்டுகளை வழங்கும் துறையான சிவில் தகவல் பொது ஆணையத்தை(PACI) மேற்கொள்காட்டி,தினசரி அரபு நாளிதழ் வெளியிட்டுள்ள செய்தியில் சில பிரிவுகளில் உள்ள நபர்களுக்கு புதிதாக சிவில் ஐடி கார்டுக்காக விண்ணப்பித்து 24 மணிநேரத்தில் வழங்க நடவடிக்கைகள் எடுக்கப்பட்டு வருவதாக தெரிவித்துள்ளது.
இது தொடர்பான வெளியாகியுள்ள செய்தியில் குவைத் குடிமக்கள்,மற்ற வளைகுடா நாடுகளைச் சேர்ந்த குடிமக்களான தொழிலாளர்கள், வீட்டுப் பணியாளர்கள்(Article-20), அரசுத் துறையில் வேலை செய்யும் வெளிநாட்டவர்கள்(Article-17) மற்றும் 5 வயதுக்குட்பட்ட குழந்தைகள் உள்ளிட்ட ஐந்து பிரிவுகளில் உள்ள நபர்களுக்கு புதிய சிவில் அடையாள அட்டைகளை வழங்குவதை விரைவுபடுத்தும் விதமாக 24 மணி நேரத்திற்குள் ஐடி கார்டுகள் வழங்குவது தொடர்பான நடவடிக்கைகள் எடுக்கப்பட்டு வருவதாகவும் இது இறுதிக்கட்டத்தில் எனவும் சம்பந்தப்பட்ட ஆணையத்தை மேற்கொள் காட்டி செய்தி வெளியிட்டுள்ளது.
