துபாயில் மினிவேன் கார் மீது மோதியதில் 15 பேர் காயமடைந்தனர்,4 பேர் நிலை கவலைக்கிடம் Sieh Shuaib அருகே உள்ள ஹசா தெருவில் இந்த விபத்து நடந்தது
Image credit: Dubai Police
துபாயில் மினிவேன் கார் மீது மோதியதில் 15 பேர் காயமடைந்தனர்;4 பேர் நிலை கவலைக்கிடம் என்ற தகவல் வெளியாகியுள்ளது
ஐக்கிய அரபு எமிரேட்ஸில் மினிவேன் மற்றும் கார் மோதி ஏற்பட்ட பயங்கரமான விபத்தில் 15 பேர் காயமடைந்துள்ளதாக துபாய் போலீசார் தெரிவித்துள்ளனர். Sieh Shuaib அருகே உள்ள ஹசா தெருவில் இந்த விபத்து நடந்ததாக துபாய் போலீஸ் போக்குவரத்து பிரிவு இயக்குனர் பிரிகேடியர் சைஃப் முஹைர் அல் மஸ்ரூய் தெரிவித்தார். மினிவேன் கட்டுப்பாட்டை இழந்து முன்னே சென்றுக் கொண்டிருந்த மற்றொரு வாகனம் மீது மோதியது.
இந்த விபத்து குறித்து தகவல் கிடைத்ததும் ரோந்து போலிஸ் மற்றும் ஆம்புலன்ஸ் குழுக்கள் உடனடியாக சம்பவ இடத்திற்கு விரைந்து வந்து காயமடைந்த 15 நபர்களை மருத்துவமனைகளுக்கு கொண்டுச் சென்றனர். இவர்களில் 4 பேரின் நிலை கவலைக்கிடமாக உள்ளது. மேலும் ஏழு பேருக்கு மிதமான காயம் ஏற்பட்டது,மற்ற நான்கு பேருக்கு லேசான காயங்கள் ஏற்பட்டது என்ற தகவலும் வெளியாகியுள்ளது. இவர்களில் 12 பேர் பாகிஸ்தானியர்கள் மற்றும் மூன்று பங்களாதேஷ் நாட்டவர்கள் அனைவரும் தினசரி கூலி தொழிலாளர்கள் என்பது குறி்ப்பிடத்தக்கது.
