துபாயில் இன்று 3 பேருந்துகள் மோதி ஏற்பட்ட பயங்கரமான விபத்தில் 2 பேர் பலி 10 பேர் காயமடைந்தனர்;இன்று காலை 6.30 மணியளவில் இந்த விபத்து குறித்து போலீசாருக்கு தகவல் கிடைத்தது
Image credit: Dubai Police
துபாயில் இன்று 3 பேருந்துகள் மோதி ஏற்பட்ட பயங்கரமான விபத்தில் 2 பேர் பலி 10 பேர் காயமடைந்தனர்
துபாயின் Al-Khail சாலையில் இன்று(02/02/21) செவ்வாய்க்கிழமை காலை பேருந்துகள் ஒன்றுடன் ஒன்று மோதியதில் 2 பேர் உயிரிழந்தனர் மற்றும் 10 பேர் காயமடைந்தனர் என்று போலீசார் தெரிவித்தனர். பேருந்துகளில் ஒன்று திடீரென கட்டுப்பாட்டை இழந்து சரியான பாதையில் இருந்து விலகி சாலையில் சென்றுக் கொண்டிருந்த வேறு இரண்டு பேருந்துக்களுடன் பயங்கரமாக மோதியது. இன்று காலை 6.30 மணியளவில் இந்த விபத்து குறித்து போலீசாருக்கு அறிக்கை கிடைத்ததாக போக்குவரத்து காவல்துறை இயக்குநர் ஜெனரல் பிரிகேடியர் சைஃப் முஹைர் அல் மசூய் தெரிவித்தார்.
Image credit: Dubai Police
இதையடுத்து போக்குவரத்து போலீசார் உடனடியாக சம்பவ இடத்திற்கு விரைந்து வந்து காயமடைந்தவர்களை மருத்துவமனைக்கு கொண்டு சென்றனர். மேலும் அவர் கூறுகையில் வாகனங்கள் ஓட்டும் நேரத்தில்,திடிரென வேகத்தை அதிகரிப்பு மற்றும் கவனக்குறைவு ஆகியவை இதுபோன்ற விபத்துக்கள் ஏற்பட காரணம் என்றார். காயமடைந்த 10 நபர்களில் சிலருக்கு பலத்த காயமும்,சிலருக்கு லேசான காயமும் ஏற்பட்டது. விபத்தில் சிக்கியதில் உயிரிழந்த மற்றும் படுகாயமடைந்த நபர்கள் எந்த நாட்டவர்கள் என்ற கூடுதல் தகவல்கள் எதுவும் உடனடியாக வெளியாகவில்லை.
