குவைத்தில் தீ விபத்தில் 2 குழந்தைகள் பலி;மேலும் 4 பேர் மீட்கப்பட்டனர் என்ற துயரமான செய்தி வெளியாகியுள்ளது
Image credit: விபத்து ஏற்பட்ட வீடு
குவைத்தில் தீ விபத்தில் 2 குழந்தைகள் பலி;மேலும் 4 பேர் மீட்கப்பட்டனர்
குவைத்தின் உம் அல்-ஹேமன், பகுதியில் உள்ள ஒரு வீட்டில் ஏற்பட்ட தீ விபத்தில் ஒரு பெண்மணி மற்றும் 5 குழந்தைகள் வீட்டின் உள்ளே சிக்கிக் கொண்டனர். இவர்கள் தீ விபத்தில் இருந்து தப்பிக்க முயன்ற போது லிப்டில் சிக்கிக்கொண்டனர். இதையடுத்து உம் அல்-ஹேமன், மினா அப்துல்லா ஆகிய இடங்களில் உள்ள தீயணைப்பு குழுவினர் மற்றும் காவல்துறை அதிகாரிகள் விரைந்து வந்து வீட்டில் சிக்கியிருந்த 6 பேரையும் மீட்டனர்.
இதில் இரண்டு குழந்தைகள் கவலைக்கிடமான நிலையில் இருந்தனர், இதையடுத்து உடனடியாக மருத்துவமனைக்கு சிகிச்சைக்காக அனுப்பி வைத்தனர். இதில் கவலைக்கிடமாக இருந்த இரண்டு குழந்தைகள் உயிரிழந்தனர் என்ற செய்தி வெளியாகியுள்ளது. தாய் மற்றும் குழந்தை உள்பட்ட 6 பேரும் குடிமக்கள் என்பது தெரியவந்துள்ளது. இந்த விபத்து தொடர்பாக விசாரனைக்கு உயர் அதிகாரிகள் உத்தரவு பிறப்பித்துள்ளனர்.
