குவைத்தில் தேசிய தின நாட்களில் தற்காலிகமாக பகுதிநேர ஊரடங்கு விதிக்க வாய்ப்புள்ளதாக தகவல்;பிப்ரவரி 22 முதல் பிப்ரவரி 28 வரை தேசிய தின விடுமுறை நாட்களில்
குவைத்தில் தேசிய தின நாட்களில் தற்காலிகமாக பகுதிநேர ஊரடங்கு விதிக்க வாய்ப்புள்ளதாக தகவல்
குவைத்தில் பிப்ரவரி 22 முதல் பிப்ரவரி 28 வரை தேசிய தின விடுமுறை நாட்களை இணைத்து ஒரு பகுதிநேர ஊரடங்கு அமைச்சரவையின் பரிசீலனையில் உள்ளதாக செய்தி வெளியாகியுள்ளது. இந்த நாட்களில் மக்கள் அதிக அளவில் பொதுவெளியில் வருவார்கள் என்பதாலும், கொரோனா பாதிப்பு நாளுக்குநாள் அதிகரிக்கும் நிலையிலும் மேலும் நோய்தொற்று பரவல் ஏற்பட இது காரணமாக அமையும் என்பதாலும் இந்த முடிவுக்கு அமைச்சரவை வரலாம் என்று உள்ளுர் தினசரி நாளிதழ் செய்தி வெளியிட்டுள்ளது. இது தொடர்பாக கூடுதல் தகவல் வரும் தினங்களில் தெரிய வரும்.
மேலும் குவைத்தில் வருகின்ற பிப்ரவரி- 25 National Day மற்றும் பிப்ரவரி-26 Liberation Day தினங்கள் ஆகும். கொரோனா பரவல் காரணமாக பொது நிகழ்ச்சிக்கள் அனைத்திற்கும் நேற்றைய அமைச்சரவை கூட்டத்தில் தடை விதிக்கப்பட்டுள்ளது. இதுபோல் கடந்த வருடமும் தேசிய தின கொண்டாட்டங்கள் விமர்சையாக கொண்டாட திட்டமிடப்பட்ட நிலையில், கொரோனா நோய்த்தொற்று நாட்டில் கண்டறியப்பட்டால் நிகழ்ச்சிகள் அனைத்தும் கடைசி நேரத்தில் ரத்து செய்யப்பட்டது யாரும் மறந்திருக்க வாய்ப்பில்லை.
