குவைத்தின் Bayan பகுதியில் இன்று காலையில் ஏற்பட்ட பயங்கரமான தீ விபத்தில் ஒருவர் உயிரிழந்தார் என்ற துயரமான செய்தி தற்போது வெளியாகியுள்ளது
Image : விபத்து நடந்த இடத்தில் தீயணைப்பு வீரர்கள்
குவைத்தின் Bayan பகுதியில் இன்று காலையில் ஏற்பட்ட பயங்கரமான தீ விபத்தில் ஒருவர் உயிரிழந்தார்
குவைத் தீயணைப்புத்துறை சற்றுமுன் வெளியிட்டுள்ள செய்தியில் இன்று வெள்ளிக்கிழமை காலை(26/03/21) Bayan பகுதியில் உள்ள ஒரு வீட்டில் தீ விபத்து ஏற்பட்டது எனவும், தீ விபத்தில் சிக்கிய 6 பேரை தீயணைப்புத்துறை மீட்டனர் எனவும் தெரிவித்துள்ளனர். முன்னர் தீ விபத்து ஏற்பட்டதாகக் அவசரகால உதவி கட்டுப்பாட்டு அறைக்கு தகவல் கிடைத்ததாகவும் தீயணைப்புத்துறை தெரிவித்துள்ளது. மேலும் 3 தளங்களைக் கொண்ட ஒரு வீட்டின் தரை தளத்தில் பயங்கரமான தீ விபத்து ஏற்பட்டது எனவும் தீயில் சிக்கிய 6 நபர்களை முஷ்ரிஃப் மற்றும் அல்-படா தீயணைப்பு நிலையங்களில் இருந்து வந்த தீயணைப்பு வீரர்கள் மீட்டனர்.தகவல் கிடைத்து முதல் தீயணைப்புபடை குழுவினர் 4 நிமிடங்களில் சம்பவம் நடந்த இடத்தை அடைந்தனர் என்று செய்திக்குறிப்பில் தெரிவிக்கப்பட்டுள்ளது. மீட்கப்பட்ட நபர்களில் ஒரு குடிமகன் பரிதாபமாக உயிரிழந்தார் என்றும், அவசரகால மருத்துவ தொழில்நுட்ப வல்லுநர்கள் நடத்திய பரிசோதனையில் இது உறுதியானது எனவும்,தீ அணைக்கப்பட்ட நிலையில் விபத்துக்கான காரணங்களை கண்டறிய விசாரணைக் குழுவினர் தங்கள் பணியைத் தொடங்கியுள்ளதாக சம்பந்தப்பட்ட துறை தெரிவித்துள்ளது.
