ஷார்ஜாவிலிருந்து லக்னோ சென்ற இண்டிகோ விமானம் கராச்சி விமான நிலையத்தில் அவசர அவசரமாக தரையிறங்கியது என்ற தகவல் வெளியாகியுள்ளது
Image credit: IndiGo Airlines
ஷார்ஜாவிலிருந்து லக்னோ சென்ற இண்டிகோ விமானம் கராச்சி விமான நிலையத்தில் அவசர அவசரமாக தரையிறங்கியது
ஷார்ஜாவில் இருந்து லக்னோ புறப்பட்ட விமானத்தில் ஆண் பயணி ஒருவருக்கு மாரடைப்பு ஏற்பட்ட நிலையில் பாகிஸ்தானின் கராச்சி விமான நிலையத்தில் அவசரகால நிலையில் இன்று அதிகாலையில் தரையிறங்கியது என்ற தகவல் வெளியாகியுள்ளது. ஷார்ஜா-லக்னோ இண்டிகோ 6E 1412 என்ற விமானமே இன்று செவ்வாய்க்கிழமை(02/03/21) பாகிஸ்தானில் அவசர அவசரமாக தரையிறங்கியது. இதையடுத்து கராச்சிக்கு விமான நிலைய மருத்துவ குழுவினர் அவரை காப்பாற்ற முயற்சி செய்தும் துரதிர்ஷ்டவசமாக பயணி உயிரிழந்ததார் என்பதை மருத்துவர்கள் உறுதிப்படுத்தினர். உயிரிழந்த பயணியின் குடும்பத்திற்கு விமான நிறுவனம் தனது இரங்கலைத் தெரிவித்துள்ளது. இதுபோல் கடந்த நவம்பர் மாதத்தில் டெல்லியில் இருந்து 179 பயணிகளை ஏற்றிக்கொண்டு புறப்பட்ட கோ-ஏர் விமானம் பயணிக்கு மருத்துவ உதவி தேவைப்பட்ட நிலையில் கராச்சியில் தரையிறங்கியது.
