குவைத்தில் ஏப்ரல்-13 ரமலான் முதல் நாளாக இருக்ககூடும் என்று வானிலையாளர்சலே முஹம்மது அவர்கள் கணித்துள்ளார்
குவைத்தில் ஏப்ரல்-13 ரமலான் முதல் நாளாக இருக்ககூடும் என்று வானிலையாளர் கணித்துள்ளார்
குவைத்தின் மூத்த வானியலாளர் டாக்டர்.சலே முஹம்மது அல்-அஜிரி அவர்கள் தினசரி நாளிதழுக்கு அளித்துள்ள பேட்டியில் ஏப்ரல் 12 திங்கள் காலை புதியபிறை தென்படுவதால்,இந்த ஆண்டின் புனித ரமலான் மாதத்தின் முதல்நாள் ஏப்ரல்-13,2021 செவ்வாய்க்கிழமையாக இருக்கலாம் என்று அறிவித்துள்ளார்.
அவர்கள் மேலும் கூறுகையில் அறிவியல் அறக்கட்டளை மூலம் அங்கீகரிக்கப்பட்ட வானியல் தரநிலைகளின்படி நேரத்தையும் நிலவின் நகர்வுகளும் கணக்கிடப்படுகிறது என்றார். இதற்கிடைய கடந்த வாரம் குவைத் வானியலாளர் அடெல் அல் சதூன் அவர்கள் ஏப்ரல் 14-ஆம் தேதி அன்று ரமலான் மாதம் தொடங்கும் என்று அறிவித்த நிலையில் இன்று இந்த புதிய செய்தி வெளியாகியுள்ளது.
