குவைத் விமானப்படையின் சிறப்பு விமானம் 40 டன் மருத்துவ உதவி பொருட்களுடன் இந்தியாவின் டெல்லி விமான நிலையம் சென்றடைந்தது
Image credit: Official Soure
குவைத் விமானப்படையின் சிறப்பு விமானம் 40 டன் மருத்துவ உதவி பொருட்களுடன் இந்தியா சென்றடைந்தது
குவைத் விமானப்படையின் சிறப்பு விமானம் மருத்துவ உதவி பொருட்களுடன் இந்தியாவின் டெல்லி விமான நிலையத்தை இன்று(04/05/21) அதிகாலை சென்றடைந்தது. நாட்டில் அதிகரித்து வரும் கோவிட் பரவலின் மத்தியில் குவைத் அரசு கடந்த வாரம் இந்தியாவுக்கு உதவியை அறிவித்தது. இந்தியாவுக்கு அனுப்பிய நிவாரணப் பொருட்களை ஒருங்கிணைந்து அதை இந்தியாவுக்கு அனுப்பும் நடவடிக்கைளில் குவைத் நாட்டின் ரெட் கிரசண்ட் சொசைட்டியான தொண்டு அமைப்பு மேற்கொண்டது.
இந்தியாவுக்கு அனுப்பப்பட்ட மருத்துவ உதவி பொருட்களில் 282 ஆக்ஸிஜன் சிலிண்டர்கள், 60 ஆக்ஸிஜன் உபகரணங்கள் மற்றும் வென்டிலேட்டர்கள் உட்பட 40 டன் மருத்துவ உபகரணங்கள் முதல் கட்டத்தில் இந்தியா சென்றடைந்தது. விமான நிலையத்தில் இந்தியாவுக்கான குவைத் தூதர் ஜாசிம் நஜீம் உள்ளிட்ட பலர் விமான நிலையத்திற்கு நிவாரண பொருட்களை பெற்றுகொள்ள வந்திருந்தனர்.
