குவைத்தில் தமிழக இளைஞர் மாரடைப்பால் உயிரிழந்தார்;உடல் இன்று நல்லடக்கம் செய்யப்படும்
Image: உயிரிழந்த முகமது ஹசன்(வயது-25)
குவைத்தில் தமிழக இளைஞர் ஒருவர் மாரடைப்பால் உயிரிழந்தார்(வயது-25) என்ற துயரமான செய்தி வெளியாகியுள்ளது;உடல் இன்று நல்லடக்கம் செய்யப்படும்
குவைத்தில் தமிழக இளைஞர் உயிரிழந்தார் என்ற துயரமான செய்தி வெளியாகியுள்ளது. அவர் பெயர் முகமது ஹசன்(வயது-25) இந்தியா, தமிழகம், கடலூர் மாவட்டம், செங்குந்தர் சாலை, எலிரி, காட்டுமன்னார்கோவில் பகுதியை சேர்ந்தவர் என்றும், இவருடைய தந்தை பெயர் முகமது அஷ்ரப் என்பதும் தெரியவந்துள்ளது. குவைத்தில் சபஹியா பகுதியில் ஒரு வீட்டில் ஓட்டுனராக வேலை செய்துவந்த ஹசன் கடந்த 28/04/2021 இரவு 2 மணி அளவில் மாரடைப்பால் மரணமடைந்து விட்டார்.
இந்நிலையில் இவரது இறப்பு குறித்து விசாரணை முடிந்து சம்பந்தப்பட்ட ஆவணங்களை காவல் துறையினர் நேற்று(21/05/21) ஒப்படைத்தனர். இதையடுத்து முகமது ஹசனின் நண்பர்கள் மக்கள் சேவை மைய நிர்வாகிகளை தொடர்பு கொண்டனர்,நிர்வாகிகளின் துரிதமாக நடவடிக்கையால் அனைத்து சட்ட நடவடிக்கைகளும் முடித்த நிலையில் இன்று(21/05/202) காலை குவைத் நேரப்படி 11:30 to 12:30 மணிக்குள், தஹார் மையவாடியில் நல்லடக்கம் செய்யப்படும் என்று செய்திக்குறிப்பில் தெரிவிக்கப்பட்டுள்ளது
