இந்தியா உள்ளிட்ட 16 நாடுகளைச் சேர்ந்தவர்கள் அமீரகத்திற்கு நுழைய அனுமதிக்கும் முடிவு மற்றொரு அறிவிப்பு வெளியாகும் வரையில் இடை நிறுத்தியுள்ளது
Image : Dubai Airport
இந்தியா,இலங்கை உள்ளிட்ட 16 நாடுகளைச் சேர்ந்தவர்கள் அமீரகத்திற்கு திரும்புவது மேலும் தாமதமாகும்
ஐக்கிய அரபு எமிரேட்க்கு மொத்தம் 16 நாடுகளில் இருந்து உள்வரும்(Arrival) பயணிகள் அனுமதிப்பது தொடர்பான அறிவிப்பு இடைநிறுத்தபடுவதாக பொது சிவில் விமான போக்குவரத்து ஆணையம்(ஜி.சி.ஏ.ஏ) ஆனது நேற்றைய(18/07/21) ஞாயிற்றுக்கிழமை தேதியிட்டு இந்த புதிய அறிவிப்பை இன்று(19/07/21) மாலையில் வெளியிட்டுள்ளது. இதில் இந்தியா,இலங்கை ஆப்கானிஸ்தான், பங்களாதேஷ், காங்கோ ஜனநாயக குடியரசு, இந்தோனேசியா, லைபீரியா, நமீபியா, நேபாளம், நைஜீரியா, பாகிஸ்தான், உகாண்டா, சியரா லியோன், தென்னாப்பிரிக்கா,வியட்நாம் மற்றும் சாம்பியா ஆகிய நாடுகள் அடங்கும் என்று தெரிவிக்கப்பட்டுள்ளது.
கடந்த சில தினங்களுக்கு முன்பு வருகின்ற ஜூலை-25,2021 வரையில் இந்தியாலில் இருந்து அமீரகத்திற்கு விமான சேவைகள் இருக்காது என்று Emirates Airlines நிறுவனமும், ஜூலை-31,2021 வரையில் இந்தியாலில் இருந்து விமான சேவை இருக்காது என்று Etihad Airways நிறுவனமும் அறிக்கை வெளியிட்டிருந்த நிலையில், இன்று(20/07/21) திடிரென மற்றொரு அறிவிப்பு வெளியாகும் வரையில் இந்தியா உள்ளிட்ட 16 நாடுகளில் இருந்து விமான சேவை தொடங்கும் முடிவு நிறுத்தி வைப்பதாக வெளியாகியுள்ள புதிய அறிவிப்பு அமீரகம் திருப்புவதற்காக காத்திருந்த இந்தியா உள்ளிட்ட பல்வேறு நாடுகளை சேர்ந்த ஆயிரக்கணக்கான தொழிலாளர்களை மீண்டும் ஏமாற்றமடைய செய்துள்ளது. இந்தியாவில் கோவிட் பரவல் உயர்ந்த நிலையில் கடந்த ஏப்ரல்-24,2021 முதல் இந்தியாவில் இருந்து பயணிகள் நேரடியாக ஐக்கிய அரபு அமீரகத்திற்குள் நுழைய தடை விதிக்கப்பட்டுள்ளது குறிப்பிடத்தக்கது.
