குவைத்தின் கைத்தானில் பிரபல டிவிஎஸ் ஹைதர் குழுமம் தங்களுடைய புதிய அலுவலகத்தை திறந்துள்ளது
குவைத்தின் Khaitan யிலும் இனிமுதல் டிவிஎஸ் டிராவல்ஸின் சேவைகள் கிடைக்கும்
குவைத்தின் கைத்தானில் 15.10.2021 வெள்ளிக்கிழமை அன்று மாலை 5:00 மணியளவில் டிவிஎஸ் டிராவல்ஸ் தனது 7-வது புதிய அலுவலகத்தை திறந்துள்ளது. இதன் திறப்பு விழாவை குவைத்திற்கான Gulf Airways யின் மேலாளர் முஹமது இப்ராஹிம் அல்ஹமர் அவர்கள் மற்றும் டிவிஎஸ் ஹைதர் குழுமத்தின் சேர்மன் Dr.S.M.ஹைதர் அலி அவர்களும் இணைந்து திறந்து வைத்தனர்.
இந்தியர்களுக்கு அதுவும் குறிப்பாக தமிழர்களுக்கே பெருமை சேர்க்கும் விதமாக அயராத உழைப்பு மற்றும் நேர்மையின் காரணமாக தன்னுடைய சிறிய கனவை குவைத்தில் துவங்கி அவர் இன்று உலகம் அறியும் விதமாக டிராவல்ஸ், கார்கோ, உணவகம் மற்றும் Al-Maha Fashion உள்ளிட்ட பல பரிமாணங்களை பெற்று குவைத், கத்தார், அமீரகம், பஹ்ரைன், இந்தியா, இலங்கை, மலேசியா, நேபாளம் மற்றும் கனடா என்று ஆலமரமாக வளர்ந்து நிற்கின்றார். அதிலும் குவைத்தில் சிறிய ஒரு நிறுவனமாக தனது பயணத்தை துவங்கிய டிவிஎஸ் நிறுவனம் குவைத்தின் பல்வேறு பகுதிகளிலும் அலுவலகங்களுடன் அனைத்து தரப்பு மக்களும் பயன்பெறும் வகையில் சிறப்பாக இயங்கி வருகின்ற நிலையில் கைத்தானில் தன்னுடைய 7-வது அலுவலகத்தை திறந்துள்ளது.
மேலும் இந்த மகிழ்ச்சியான தருணத்தில் ஏர் இந்தியாவின் குவைத்திற்கான மேலாளர் அதன் பிற பிரிவுகளின் அதிகாரிகள், ஜசீரா ஏர்வேஸின் அதிகாரிகள் மற்றும் பிற ஏர்வேஸ் நிறுவனத்தின் அதிகாரிகள், அனைத்து கர்கோ Distributors, குவைத்தில் இயங்கி வருகின்ற விஸ்மயா அமைப்பின் தலைவரும், குவைத் தமிழ் பசங்க மற்றும் விஸ்மயா செய்திபிரிவின் Marketing Manager-ஆன அஜித்குமார் அவர்கள் சேர்மன் S.M.ஹைதர் அலி அவர்களை நேரில் சந்தித்து வாழ்த்தினார். இதை தவிர தமிழ், தெலுங்கு, கன்னடா உள்ளிட்ட குவைத்தில் இயங்கி வருகின்ற அமைப்புகளின் பிரதிநிதிகள், நண்பர்கள் உள்ளிட்ட அனைவரும் கலந்து கொண்டு திறப்பு விழாவை சிறப்பித்தனர். அதேபோல் குவைத்திலுள்ள டிவிஎஸ் டிராவல்ஸ் & கார்கோ நிறுவனம் அனைத்து தரப்பு மக்களுக்கும் எளிதாக சேவை கிடைக்கும் வகையில் Maliya, Murgab, Mahboula, Fahaheel, Farwaniya, Jahra என்று 6 இடங்களில் இயக்கி வருகின்ற நிலையில் இனிமுதல் Khaitan யிலும் தன்னுடைய புதிய அலுவலகம் மூலம் சிறப்பான சேவையினை வழங்கும்.
