அமீரகத்திற்கு பயணம் மற்றும் திரும்பும்போது உடன் எடுத்துச் செல்ல அனுமதியுள்ள பொருட்கள் என்னென்ன.....????

அமீரகத்திற்கு பயணம் மற்றும் திரும்பும்போது உடன் எடுத்துச் செல்ல அனுமதியுள்ள பொருட்கள் என்னென்ன என்பதை அமீரக மத்திய சுங்கத்துறை ஆணையம் பொதுமக்களுக்கு வெளியிட்டுள்ளது

Image credit:Dubai Airport

அமீரகத்திற்கு பயணம் மற்றும் திரும்பும்போது உடன் எடுத்துச் செல்ல அனுமதியுள்ள பொருட்கள் என்னென்ன.....????

ஐக்கிய அரபு எமிரேட்ஸட்-க்கும் மற்றும் திருப்பியும் பயணிப்பவர்களுக்கு சுங்க விதிகளை கண்டிப்பாக பின்பற்றுமாறு அமீரக மத்திய சுங்கத்துறை ஆணையம்(எஃப்.சி.ஏ) பொதுமக்களுக்கு அழைப்பு விடுத்துள்ளது. நேற்று(28/03/21) ஞாயிற்றுக்கிழமை வெளியிடப்பட்ட அறிக்கையில், பயணிகள் தங்களுடன் எடுத்துச் செல்ல அனுமதிக்கப்பட்ட பொருட்கள் பட்டியலையும் மற்றும் தடைசெய்யப்பட்ட பொருட்களின் விவரங்களை வெளியிட்டது. பலர் அறியாமையால் பாதிக்கப்படுவதை(வழக்குகளில் கைது ஆவதை) கருத்தில் கொண்டு இந்த எச்சரிக்கை வைக்கப்பட்டுள்ளது. மேலும் அரபு,ஆங்கிலம் மற்றும் உருது மொழிகளில் இது தொடர்பான சிறப்பு விழிப்புணர்வு வீடியோவையும் அதிகாரிகள் வெளியிட்டனர்.

மூவி ப்ரொஜெக்டர்கள், ரேடியோ,சிடி பிளேயர்கள், டிஜிட்டல் கேமராக்கள், டி.வி மற்றும் ரிசீவர்கள்(ஒன்று), தனிநபர் விளையாட்டு உபகரணங்கள், சிறிய கணினிகள் மற்றும் அச்சுப்பொறிகள் மற்றும் தனிப்பட்ட பயன்பாட்டிற்கான மருந்துகள்(கட்டுப்பாடுகளுக்கு உட்பட்டு) ஆகியவை அனுமதிக்கப்பட்ட பொருட்களில் அடங்கும்.

பயணிகள் எடுத்துச்செல்லும் பரிசு பொருட்களின் மதிப்பு AED 3,000 ஐ தாண்டக்கூடாது. பொருட்களுடன் சேர்த்து அதிகபட்சம் 200 சிகரெட்டுகள் அனுமதிக்கப்படும். 18 வயதிற்குட்பட்ட பயணிகள் புகையிலை பொருட்கள் அல்லது ஆல்கஹால் கையில் எடுத்துச் செல்லக்கூடாது. அதுபோல் ஐக்கிய அரபு எமிரேட்ஸில் வந்து புறப்படும் பயணிகள் கையில் பரிசு பொருட்களின் மதிப்பு AED 3,000 க்கு அதிகமாக இருந்தலோ அல்லது 60,000 க்கும் மேற்பட்ட திர்ஹாம் மதிப்புள்ள நாணயம் அல்லது விலைமதிப்பு மிக்க உலோகங்கள்(தங்கம் இப்படிப்பட்ட எதாவது) அல்லது விலையுயர்ந்த கற்கள் இருந்தால் சிறப்பு படிவத்தில் அதன் விபரங்கள் நிரப்பி சம்பந்தப்பட்ட அதிகாரிகளிடம் சமர்ப்பிக்க வேண்டும்.

தடை செய்யப்பட்டவையின் விபரங்கள் பின்வருமாறு;நாட்டில் தடை விதிக்கப்பட்டுள்ள மருந்துகள்(போதைப்பொருட்கள் உள்ளிடவை இதில் அடங்கும்) சூதாட்ட உபகரணங்கள், நைலான் மீன்பிடி வலைகள், பன்றிகள், தந்தங்கள், சிவப்பு விளக்குகள் கொண்ட லேசர் பேனாக்கள், கள்ளநோட்டு, அணு கதிர்வீச்சு உள்ள பொருட்கள், ஆபாச புத்தகங்கள் மற்றும் மதங்களை குறித்த அவதூறு பரப்பும் ஆவணங்கள், ஆபாச சிடி,வெற்றிலை உள்ளிட்ட சிவக்கக்கூடிய பொருட்கள் மற்றும் கற்சிலைகள் உள்ளிட்டவை அடங்கும்.

கட்டுபாடுகள் உள்ள சில பொருட்கள் அதிகாரிகளின் அனுமதியுடன் கொண்டு வரலாாம,அதன் விபரங்கள் பின்வருமாறு நேரடியாக விலங்குகள், தாவரங்கள், உரங்கள், பூச்சிக்கொல்லிகள், ஆயுதங்கள், வெடிமருந்துகள், வெடிபொருட்கள், பட்டாசுகள், மருந்து, மருத்துவ உபகரணங்கள், நாவல்(வெளியீடுகள்), புதிய வாகன டயர்கள், வயர்லெஸ் உபகரணங்கள், ஆல்கஹால், அழகுசாதனப் பொருட்கள், தனிப்பட்ட பராமரிப்பு பொருட்கள், பாரம்பரியமாக கைவசம் உள்ள கற்கள் மற்றும் புகையிலையிலிருந்து தயாரிக்கப்படும் சிகரெட்டுகள் ஆகியவை இதில் அடங்கும்.இதற்கு சம்பந்தப்பட்ட பல்வேறு அமைச்சகங்களின் ஒப்புதல் தேவை என்று அறிக்கையில் கூறப்பட்டுள்ளது.

இந்த அறிவிப்பை தொடர்ந்து இந்திய தூதரகம் வெளியிட்டுள்ள செய்தியில் பின்வரும் அறிவிப்பை பின்பற்றிய பாதுகாப்பான மற்றும் தடையற்ற பயணத்தை பயணிகள் மேற்கொள்ள வேண்டுகோள் விடுக்கப்பட்டுள்ளது. அதில் அடுத்த(தெரியாத) நபர்கள் கைவசம் ஒப்படைக்கும் பொருட்கள் அடங்கிய பார்சல்களில் என்ன இருக்கிறது என்ற தெரியாமல் ஏற்றுக் கொள்ளாமல் இருப்பது முக்கியம். அதுபோல் உள்ளே என்ன இருக்கிறது என்று தெரியாமல் நண்பர்களிடமிருந்து கூட பைகள் பார்சல் வாங்க வேண்டாம். அத்தகைய பைகளில் சில நேரங்களில் ஒரு குறிப்பிட்ட அளவை விட அதிகமாக பணம் அல்லது போதைப்பொருள் உள்ளிட்ட பிற பொருட்கள் இருக்கலாம். மருந்துகளை கொண்டு வரும்போது, மருத்துவரின் ஒப்புதல் குறிப்பை கையில் வைத்திருக்க வேண்டும், அதுபோல் விமான நிறுவனங்கள் வழங்கும் வழிமுறைகளைப் பின்பற்ற வேண்டும் என்றும் இந்திய தூதரகம் அறிக்கையில் தெரிந்துள்ளது

Uae Airport | Dubai Airport | Dubai Customs

Add your comments to Search results for Uae Airport

வளைகுடா பயணிகள் கவனத்துக்கு ஊறுகாய், நெய் உள்ளிட்ட 13 வகையான பொருட்கள் செக்-இன் பைகளில் கொண்டு செல்ல தடை

இது இந்தியாவின் அனைத்து விமான நிலையத்திற்கும் பொருந்தும், எனவே இத்தகைய காரணங்களால் விமான நிலைய அதிகாரிகளுடன் வாக்குவாதத்தில் ஈடுபட்டாலும் எந்த பலனும் இல்லை என்பதை கவனத்தில் கொள்க

Image : Indian Airport

வளைகுடா பயணிகள் கவனத்துக்கு ஊறுகாய், நெய் உள்ளிட்ட 13 வகையான பொருட்கள் செக்-இன் பைகளில் கொண்டு செல்ல தடை

இந்தியாவில் இருந்து ஐக்கிய அரபு அமீரகத்துக்கு விமானத்தில் பயணம் செய்யும்போது கொண்டு வரக்கூடாத பொருட்களின் பட்டியலை அதிகாரிகள் வெளியிட்டுள்ளனர். வணிகம், சுற்றுலா மற்றும் வேலைவாய்ப்பு நோக்கங்களுக்காக ஏராளமான இந்தியர்கள் வளைகுடாவிற்குச் செல்வதால், இந்தியா-யுஏஇ விமானப் பாதை மிகவும் பரபரப்பான வழித்தடங்களில் ஒன்றாகும், மேலும் பண்டிகைக் காலம் நெருங்கும்போது பார்வையாளர்களின் வருகை கணிசமாக அதிகரிக்கும். மும்பை சர்வதேச விமான நிலையத்தில் தடை செய்யப்பட்ட பொருட்களை உள்நாடு மற்றும் வெளிநாட்டு பயணிகள் எடுத்துச் செல்வதால்,செக்-இன்(Check-In) பேக்கேஜ் நிராகரிப்பு அதிகரித்துள்ளது.

பயணிகள் எடுத்து செல்கின்ற சாமான்களில் கொப்பரை மற்றும் பட்டாசுகள் வரை:

செக்-இன் சாமான்களில் அடிக்கடி காணப்படும் சில தடைசெய்யப்பட்ட பொருட்கள் உலர்ந்த தேங்காய்(கொப்பரை), பட்டாசுகள், தீப்பெட்டிகள், பெயிண்ட், கற்பூரம், நெய், ஊறுகாய், எண்ணெய் உணவுகள், இ-சிகரெட்டுகள், லைட்டர்கள், பவர் பேங்க்கள் மற்றும் ஸ்ப்ரே பாட்டில்கள் போன்ற பொருட்களில் சில. பல பயணிகள் இதைப்பற்றி தெரியாமல் இந்த அனைத்து பொருட்களையும் கொண்டு வருகிறார்கள். இது ஆபத்தை உருவாக்குகிறது. இந்த பொருட்கள் வெடிக்கும் திறன் காரணமாக விபத்துகளின் தீவிரத்தை அதிகரிக்கின்றன.

எரியக்கூடிய பொருட்கள்:

கடந்த ஆண்டு, ஒரே மாதத்தில் பயணிகளின் செக்-இன் பைகளில் 943 காய்ந்த தேங்காய்கள் கண்டுபிடிக்கப்பட்டன. காய்ந்த தேங்காயில் அதிக அளவு எண்ணெய் இருப்பதால், அது தீயை உண்டாக்கும். இந்தியாவின் சிவில் ஏவியேஷன் செக்யூரிட்டி பணியகம் (BCAS) மார்ச் 2022 இல் இதை தடைசெய்யப்பட்ட பொருட்களின் பட்டியலில் சேர்த்தது. இதுபற்றி பெரும்பாலான பயணிகளுக்கு இன்னும் தெரியவில்லை.

பயணிகளின் கவனம்:

செக்-இன் சாமான்களை நிராகரிக்கும் போக்கு அதிகரித்து வருவது, விமானத்தில் எடுத்துச் செல்லப்படும் தடைசெய்யப்பட்ட அல்லது ஆபத்தான பொருட்களைப் பற்றி பொதுவான பயணிகளிடையே விழிப்புணர்வு இல்லாததைக் குறிக்கிறது. ஆபத்தான மற்றும் தடைசெய்யப்பட்ட பொருட்கள் தொடர்பாக விமான நிலையம் அல்லது விமான நிறுவனங்கள் வழங்கும் வழிகாட்டுதல்களை தெரிந்துகொள்வதற்கும் புரிந்துகொள்வதற்கும் முன்னுரிமை அளிக்குமாறு அதிகாரிகள் பயணிகளை கேட்டுக்கொள்கிறார்கள்.

செக்-இன் பேக்கேஜ் ஸ்கிரீனிங் செயல்முறை:

திரையிடப்பட்ட மொத்த பைகளின் எண்ணிக்கையுடன் ஒப்பிடும்போது நிராகரிக்கப்பட்ட செக்-இன் பைகளின் விகிதம் டிசம்பர் 2022 இல் 0.31 சதவீதத்திலிருந்து மே மாதத்தில் 0.73 சதவீதமாக அதிகரித்துள்ளது. மும்பை விமான நிலையத்தில் உள்ள பேக்கேஜ் அமைப்பு, டெர்மினல் இரண்டில் ஒரு மணி நேரத்திற்கு 9,600 பைகளையும், டெர்மினல் ஒன்றில் மணிக்கு 4,800 பைகளையும் கையாளும் 8 கிமீ பேக்கேஜ் பெல்ட்டைக் கொண்டுள்ளது.

தடைசெய்யப்பட்ட பொருட்களில் சில:

1. காய்ந்த தேங்காய்(கொப்பரை) 
2. பெயிண்ட் 
3. பட்டாசுகள்
4. தீப்பெட்டிகள்
5. பெயிண்ட்
6. கற்பூரம் 
7. நெய் 
8. ஊறுகாய் 
9. எண்ணெய் உணவு பொருட்கள் 
10. மின் சிகரெட்டுகள் 
11. லைட்டர்கள் 
12. பவர் பேங்க்கள் 
13. ஸ்ப்ரே பாட்டில்கள்

செய்திகளை உடனுக்குடன் அறிய இந்த LINK-ஐ CLICK செய்து 👉 WHATSAPP CHANNEL ✔ குழுவில் இணையுங்கள்

செய்திகளை உடனுக்குடன் அறிய இந்த LINK-ஐ CLICK செய்து 👉 TELEGRAM CHANNEL ✔ குழுவில் இணையுங்கள்

Indian Airport | Uae Travel | Banned Items

Add your comments to Search results for Uae Airport

சர்வதேச பயணிகளுக்கு மத்திய அரசு அறிவித்துள்ள புதிய சலுகைகள் குவைத் மற்றும் அமீரகத்திற்கு பொருந்தாது

சர்வதேச பயணிகளுக்கு மத்திய அரசு அறிவித்துள்ள புதிய விதிமுறைகள் இன்று முதல் அமலுக்கு வருகின்றன

Image : Chennai Airport

சர்வதேச பயணிகளுக்கு மத்திய அரசு அறிவித்துள்ள புதிய சலுகைகள் குவைத் மற்றும் அமீரகத்திற்கு பொருந்தாது

சர்வதேச பயணிகளுக்கு மத்திய அரசு அறிவித்துள்ள புதிய சலுகைகள் இன்று(14/02/2022) திங்கட்கிழமை முதல் அமலுக்கு வருகிறது.இருப்பினும், குவைத் மற்றும் அமீரகத்தில் இருந்து தாயகம் செல்லும் பயணிகளுக்கு புதிய சலுகைகள் பொருந்தாது. அதன் விரிவான விபரங்கள் பின்வருமாறு:

குவைத் மற்றும் அமீரகம்( UAE) உள்ளிட்ட இரு நாடுகளைச் சேர்ந்த பெரும்பான்மையான மக்கள் தடுப்பூசியை முடித்துவிட்டனர். அதுபோல் இந்த இரு நாடுகளிலும் கோவிட் கட்டுப்பாட்டுக்குள் வந்துள்ளது. இருந்த போதும் ஏன் இந்த இரண்டு நாடுகளும் Green பட்டியலில் இடம்பெறவில்லை என்பது தெரியவில்லை. புதிய முடிவுகளின்படி வெளியிடப்பட்டுள்ள 87 நாடுகளில் இருந்து இந்தியாவிற்கு வரும் பயணிகளுக்கு 72 மணி நேரத்திற்குள் எடுக்கப்பட்ட PCR பரிசோதனை தேவை என்ற நிபந்தனையிலிருந்து விலக்கு அளிக்கப்பட்டுள்ளது.

அதேபோல் இவர்களுக்கு நடைமுறையிலுள்ள 7 நாள் தனிமைப்படுத்தலுக்குப் பதிலாக 14 நாட்கள் சுய கண்காணிப்பு போதுமானது எனவும் தெரிவிக்கப்பட்டுள்ளன. இந்த 87 நாடுகளில் இருந்து வருகின்ற நபர்கள் செய்ய வேண்டிய ஒரே வேலை உங்களுடைய தடுப்பூசி சான்றிதழை Air-Suvidha தளத்தில் பதிவேற்றுவது. அதேநேரம் தடுப்பூசி எடுக்காத நபர்களுக்கு PCR பரிசோதனை சான்றிதழ் கண்டிப்பாக தேவை. மத்திய அரசு வெளியிட்டுள்ள Green பட்டியலில் வளைகுடா நாடுகளான பஹ்ரைன், கத்தார், ஓமன், சவுதி அரேபியா ஆகிய நாடுகள் இடம்பெற்றுள்ளன. அதேநேரம் ஐக்கிய அரபு எமிரேட்ஸ் மற்றும் குவைத் ஆகியவை பட்டியலில் இருந்து நீக்கப்பட்டன. இந்த முடிவுக்கு இந்த இரு நாடுகளைச் சேர்ந்த வெளிநாடு வாழ் இந்தியர்களுக்கு இழைக்கப்பட்ட அநீதி என்று பலர் கருதுகின்றனர். வரும் நாட்களில் திருத்தப்பட்ட புதிய பட்டியில் வெளியாகுமா....??? என்பது குவைத் மற்றும் அமீரக இந்தியர்களின் எதிர்பார்ப்பு ஆகும்.

Add your comments to Search results for Uae Airport