குவைத்தில் விசா புதுப்பித்தல் தொடர்பான சேவைகள் மீண்டும் துவங்கியது PAM அறிவப்பு
குவைத்தில் விசா புதுப்பித்தல் மீண்டும் துவங்கப்பட்டதா,இங்கு வேலை செய்யும் பல உறவுகள் கேள்விக்கான பதில்
குவைத்தில் பணி அனுமதி பத்திரங்கள்(Work Permit) புதுப்பிப்பதை ஜனவரி 1,2021 முதல் ஜனவரி 11,2021 வரை தற்காலிகமாக இடைநிறுத்தம் செய்வதாக மனிதவள மேன்பாட்டுத் துறை அமைச்சகம் கடந்த மாதம் அறிவித்திருந்தது. அமைச்சகத்தின் சேவைகள் புதிய தானியங்கி ஆன்லைன் அமைப்பாக மாற்றப்பட்டுவதன் ஒரு பகுதியாக இந்த முடிவு என்று சம்பந்தப்பட்ட துறை செய்திக்குறிப்பில் அறிவித்திருந்தது.
இதையடுத்து குவைத்தின் மனிதவள மேன்பாட்டுத் துறை அமைச்சகம்(PAM) புதிய ஆன்லைன் அமைப்புகள் வழியாக தனது சேவைகள் ஜனவரி 12-ஆம் தேதி முதல் மீண்டும் தொங்கிய நிலையில் முதல் ஏழு வேலை நாட்களில் 25,565 சேவைகள் வழங்கியுள்ளது என்று உள்ளூர் செய்தித்தாள் தெரிவித்துள்ளது. புள்ளிவிவரங்களின்படி, புதிய ஆன்லைன் வலைத்தளம் தொடங்கப்பட்ட முதல் வாரத்தில், 1774 வெளிநாட்டவர் பணி அனுமதி பத்திரங்கள் ரத்து செய்யப்பட்டது, மேலும் தொழிலாளர்கள் இறந்ததால் 127 தொழிலாளர்களின் பணி அனுமதி பாத்திரங்களும் ரத்தாகி உள்ளதாக தகவல்கள் தெரிவிக்கின்றன.
இதேபோல் இந்த 7 நாட்களில் வெளிநாடுகளில் சிக்கியுள்ள வெளிநாட்டு தொழிலாளர்கள் தங்களின் பணி அனுமதி பத்திரங்களை புதுப்பிக்காமல் இருந்த காரணத்தால் 561 பணி அனுமதி பத்திரங்கள்(Work Permit) காலாவதியானது எனவும், மேலும் இந்த நாட்களில் 10,461 வெளிநாட்டினர் தங்கள் பணி அனுமதிப்பத்திரங்களை புதுப்பித்தனர் என்றும் அறிக்கையில் தெரிவிக்கப்பட்டுள்ளது. இந்த புதிய ஆன்லைன் முறையைத் தொடங்கியுள்ளதன் நோக்கம், நாட்டில் மக்கள் எளிதாக சேவைகளை பெறும் வகையில் பல்வேறு வகையான ஆன்லைன் சேவைகளை படிப்படியாகத் தொடங்குவதற்கான ஒரு முயற்சியாகும் என்று Public Authority for Manpower(PAM) கூறியது,மேலும் இந்த புதிய ஆன்லைன் சேவை மூலம் வணிக உரிமையாளர்களை பரிவர்த்தனைகள் செய்யவும், வலைத்தளத்தின் மூலம் மட்டும் உரிமையாளர்கள் தங்கள் கேள்விகளை அனுப்பவும் சம்பந்தப்பட்ட துறை அறிவுறுத்தியுள்ளது.
Kuwait Work Permit | Renewal Starting | Kuwait PAM
