சவுதியின் மக்காவில் இயங்கி வருகின்ற நிறுவனங்களில் ஒன்றிலிருந்து ஒரு மில்லியன் ரியால்கள் திருடப்பட்டதாக, மக்கா காவல்த்துறைக்கு புகார் அறிக்கை கிடைத்தது, இதையடுத்து நடத்தப்பட்ட தேடல் மற்றும் விசாரணைகளுக்கு பிறகு பின்னர், ஷரியா காவல் நிலைய போலீசார் குற்றவாளிகளை கைது செய்தனர். இருவருமே இலங்கை நாட்டைச் சேர்ந்தவர்கள் எனவும்,அதே நிறுவனத்தில் வேலை செய்துவந்த நபர்கள் என்பதும் தெரியவந்துள்ளது..
உள்துறை அமைச்சகத்தின் அதிகாரிகள் நடத்திய தீவிர விசாரணைக்கு பிறகு தங்கள் மீது சுமத்தப்பட்ட குற்றத்தை அவர்கள் ஒப்புக்கொண்டதாகவும், அவர்களால் திருடப்பட்ட தொகையான ஒரு மில்லியன் ரியால்கள் அட்டைப் பெட்டிகளுக்குள் மறைத்து வைத்ததாகவும்,அதை கைப்பற்றிய சட்ட நடைமுறைகளை நிறைவு செய்த பிறகு மேல்நடவடிக்கைக்காக சம்பந்தப்பட்ட துறையிடம் ஒப்படைக்கப்பட்டதாக,அங்கிருந்த வரும் தினசரி நாளிதழ் ஒன்று அதிகாரப்பூர்வமாக செய்தி வெளியிட்டுள்ளது.
