இந்தியர்கள் விசிட் விசாவில் துபாய் வரலாம் என்ற தகவல் வெளியாகியுள்ளது;விதிமுறைகள் பின்வருமாறு

இந்தியா,இலங்கை உள்ளிட்ட 6 நாடுகளைச் சேர்ந்தவர்கள் விசிடிங் விசாவில் நிபந்தனைகளுடன் துபாயில் நுழைய அனுமதி

Image credit: Fly Dubai

இந்தியர்கள் விசிட் விசாவில் துபாய் வரலாம் என்ற தகவல் வெளியாகியுள்ளது;விதிமுறைகள் பின்வருமாறு

இந்தியா உள்ளிட்ட நாடுகளைச் சேர்ந்தவர்கள் விசிட் விசாவில் துபாய்க்கு வரலாம் என்ற தகவல் வெளியாகியுள்ளது. இந்தியா, நேபாளம், நைஜீரியா, பாகிஸ்தான், இலங்கை மற்றும் உகாண்டா உள்ளிட்ட நாடுகளை சேர்ந்தவர்கள் தங்கள் நாட்டை விட்டு வெளியேறி மற்றொரு நாட்டில் குறைந்தபட்சம் 14 நாட்கள் தங்கியிருந்தால் விசிட் விசாவில் துபாயில் நுழையலாம் என்று Fly Dubai விமான நிறுவனம் தெரிவித்துள்ளது. இது தொடர்பான அறிவிப்பை அந்த நிறுவனத்தின் இணையதளத்தில் வெளியிடப்பட்டுள்ளது.

மேலும் இப்படி பயணம் மேற்கொண்டால் கடந்த இரண்டு வாரம் தங்கியிருந்த நாட்டின் அடிப்படையில் பி.சி.ஆர் பரிசோதனை தொடர்பான அறிக்கை கணக்கில் எடுத்துக் கொள்ளப்படும் என்று தெரிவிக்கப்பட்டுள்ளது. அதேபோல் இப்படி பயணிக்கும் பயணிகளுக்கும் GDRFA ஒப்புதலும் கட்டாயமாகும். மேலும், புறப்படுவதற்கு 48 மணி நேரத்திற்குள் எடுக்கப்பட்ட பி.சி.ஆர் பரிசோதனையின் முடிவும் பயணத்தின் போது எடுத்துவர வேண்டும். பரிசோதனை தொடர்பான சான்றிதழ் ஆங்கிலம் அல்லது அரபியில் QR குறியீடு உள்ளதாக இருக்க வேண்டும். அதேபோல் இந்தியாவிற்கு வெளியே 14 நாட்கள் தங்கியிருப்பவர்கள் விசிட் விசாவில் துபாய்க்கு வரலாம் என்றும் எமிரேட்ஸ் விமான நிறுவனமும் அறிவித்துள்ளது. பயணிகளின் கேள்விக்கு பதிலளிக்கும் விதமாக எமிரேட்ஸ் ட்விட்டரில் இது தொடர்பான அறிவிப்பை வெளியிட்டுள்ளது.

Dubai Visa | Visit Visa | Fly Dubai

Add your comments to Search results for Fly Dubai

இந்தியர்க துபாய் திரும்ப முடியும் என்ற புதிய செய்தி தற்போது வெளியாகியுள்ளது

இந்தியர்கள் கோவிஷீல்டு தடுப்பூசி எடுத்திருந்தால் துபாய் திரும்ப முடியும் என்ற புதிய செய்தி வெளியாகியுள்ளது

Image credit: Vistara Airways

இந்தியர்க துபாய் திரும்ப முடியும் என்று புதிய செய்தி தற்போது வெளியாகியுள்ளது

இந்தியாவில் கோவ்ஷீல்ட் தடுப்பூசி இரண்டு டோஸ் எடுத்துக்கொண்ட, துபாயின் செல்லுபடியாகும் விசா கைவசம் இருந்தால் துபாய்க்கு திரும்ப அனுமதிக்கப்படுவார்கள் என்று விமான நிறுவனங்கள் இன்று( 09/08/21) அறிவிப்பை வெளியிட்டுள்ளன என்ற தகவல் தற்போது வெளியாகியுள்ளது. மேலும் இரண்டாவது டோஸ் எடுத்து 14 நாட்கள் கடந்திருக்க வேண்டும். இது தொடர்பான புதிய அறிவிப்பை விமான நிறுவனங்கள் டிராவல் ஏஜென்ஸிகளுக்கு அனுப்பியுள்ள அறிக்கையில் சுட்டிக்காட்டி உள்ளனர். இதேபோல் தடுப்பூசி எடுக்காதவர்களும் துபாய் திருப்ப முடியும் என்ற தகவலும் வெளியாகியுள்ளன. இந்தியாவின் விஸ்தாரா ஏர்லைன்ஸ் நிறுவனமும் மற்றும் துபாயின் Fly Dubai விமான நிறுவனமும் இப்படி ஒரு அறிவிப்பை வெளியிட்டுள்ளது.

இங்கு வெளியிட்டுள்ள செய்தி துபாய் விசா உள்ள நபர்களுக்கான அறிவிப்பு ஆகும். அமீரகத்தின் மற்ற எமிரேட்டிற்கு இந்தியாவில் இருந்து பயணிகள் வருவது குறித்த அறிவிப்பு எதுவும் வெளியாகவில்லை. மேலும் அமீரக சிவில் விமான போக்குவரத்து துறை கடந்த ஆகஸ்டு-5,2021 தேதியிட்டு வெளியிட்ட பயண விதிமுறைகள் அனைத்தும் அப்படியே கடைபிடிக்க வேண்டியது இருக்கும். இது குறித்த கூடுதல் தெளிவான விபரங்கள் வரும் மணிநேரங்களில் வெளியாகும் என்று எதிர்பார்க்கப்படுகிறது.

Add your comments to Search results for Fly Dubai

சவுதியில் கோபத்தால் வாழ்க்கையினை இழந்த தமிழகத்தை சேர்ந்த இன்ஜினீயர்

சவுதி அரேபியாவில் தமிழகத்தை சேர்ந்த இன்ஜினீயர் வெடிகுண்டு இல்லை என்று கூறியதால் விமான நிலையத்தில் வைத்து கைது செய்யப்பட்டார்

Image : Saudi Arabia Airport

சவுதியில் கோபத்தால் வாழ்க்கையினை இழந்த தமிழகத்தை சேர்ந்த இன்ஜினீயர்

சவுதி அரேபியாவில் உள்ள தமாம் விமான நிலையத்தில், தனது பேக்கேஜில் என்ன இருக்கிறது என்று பலமுறை கேட்டதால் வெடிகுண்டு இல்லை என்று கூறிய இந்தியர் கைது செய்யப்பட்டார். சந்தேகத்திற்கிடமான முறையில் நடந்து கொண்ட தமிழகத்தைச் சேர்ந்த ஒருவருக்கு இறுதியாக ஒரு மாத சிறைத்தண்டனை மற்றும் நாடு கடத்தல் விதிக்கப்பட்டது. பாதுகாப்புப் பணியாளர்களிடம் ஒத்துழையாமை மற்றும் தவறாக நடந்து கொண்டதற்காக இந்த தண்டனை விதிக்கப்பட்டது.

துபாய் செல்வதற்காக தமாம் விமான நிலையத்திற்கு வந்த தமிழகத்தைச் சேர்ந்த ஒருவர் விமான நிலைய பாதுகாப்புப் பிரிவினரிடம் சிக்கினார். Fly Dubai விமானத்தில் டிக்கெட் எடுத்து கொண்டு, அவருடைய உடமைகளை சோதனை செய்தபோது பிடிபட்டார். பையில் என்ன இருக்கிறது என்று பலமுறை கேட்டதற்கு, கோபமடைந்த பயணி விமான நிலைய அதிகாரியிடம் பையில் வெடிகுண்டு எதுவும் இல்லை என்று கூறினார்.

இதுபற்றி விமான நிலைய பாதுகாப்பு துறை அதிகாரிகளுக்கு தகவல் தெரிவிக்கப்பட்டதும், மோப்ப நாய் அடங்கிய தீவிரவாத தடுப்பு பிரிவு பாதுகாப்பு பிரிவினர் பயணியை கைது செய்ய விரைந்தனர். அரசாங்க வழக்கறிஞரிடம் ஒப்படைக்கப்பட்ட சந்தேகநபரை நீதிமன்றத்தில் ஆஜர்படுத்தியதாகவும், ஒரு மாத சிறைத்தண்டனையை அனுபவித்துவிட்டு, நாட்டில் நுழைய முடியாதபடி நாட்டை விட்டு வெளியேற்றவும் நீதிமன்றம் உத்தரவிட்டதாகவும் சம்பவத்துடன் தொடர்புடைய தகவலறிந்த சமூக ஆர்வலர் ஒருவர் தெரிவித்தார்.

அவரது மனைவி தமாமில் உள்ள இந்திய தூதரகத்தில் புகார் அளித்ததை அடுத்து இந்த சம்பவம் வெளிச்சத்துக்கு வந்தது. தூதரகத்தின் உதவியுடன் சட்ட உதவி பெற முயற்சிகள் மேற்கொள்ளப்பட்டன, ஆனால் நீதிமன்ற உத்தரவு நடைமுறை படுத்தப்பட்டதால் அந்த முயற்சிகள் பலனளிக்கவில்லை. கைது செய்யப்பட்ட நபர் தமாமில் உள்ள தனியார் நிறுவனத்தில் மேலாளராக பல ஆண்டுகளாக பணியாற்றி வருகிறார் என்பது குறிப்பிடத்தக்கது.

செய்திகளை உடனுக்குடன் அறிய இந்த LINK-ஐ CLICK செய்து 👉 WHATSAPP CHANNEL ✔ குழுவில் இணையுங்கள்

செய்திகளை உடனுக்குடன் அறிய இந்த LINK-ஐ CLICK செய்து 👉 TELEGRAM CHANNEL ✔ குழுவில் இணையுங்கள்

Tamil Engineer | Saudi Airport | Saudi Jail

Add your comments to Search results for Fly Dubai